வானவில் மன்றம் சார்பில் ஆல்பிரட் நோபல் நினைவு தின கருத்தரங்கு

.

 புதுக்கோட்டை டிச 11

புதுக்கோட்டை மாவட்டம் கந்தர்வகோட்டை ஒன்றியம் ஊராட்சி ஒன்றிய நடுநிலைப்பள்ளி அக்கச்சிப்பட்டியில் வானவில் மன்றத்தின் சார்பில் ஆல்பர்ட் நோபல் நினைவு தின கருத்தரங்கம் நடைபெற்றது.ஆங்கில ஆசிரியை சிந்தியா அனைவரையும் வரவேற்றார்.

இந்நிகழ்வில் தமிழ்நாடு அறிவியல் இயக்க ஒன்றிய செயலாளரும், பட்டதாரி ஆசிரியர் ரகமதுல்லா ஆல்பிரட் நோபல் நினைவு தினம் குறித்து பேசும் போது

ஆல்பிரட் நோபல் 1833 ஆம் ஆண்டு அக்டோபர் 21 ஆம் தேதி ஸ்வீடனில் உள்ள ஸ்டாக்ஹோமில் பிறந்தார். அவரது தந்தை ஒரு பொறியாளர் மற்றும் கண்டுபிடிப்பாளர்.

 1842 ஆம் ஆண்டில், நோபலின் குடும்பம் ரஷ்யாவிற்கு குடிபெயர்ந்தது, அங்கு அவரது தந்தை ஜார் படைகளுக்கு உபகரணங்களை வழங்கும் ஒரு பொறியியல் நிறுவனத்தைத் திறந்தார். 1850 ஆம் ஆண்டில், நோபலின் தந்தை அவரை இரசாயன பொறியியல் படிக்க வெளிநாட்டுக்கு அனுப்பினார். இரண்டு வருட காலப்பகுதியில் நோபல் ஸ்வீடன், ஜெர்மனி, பிரான்ஸ் மற்றும் அமெரிக்காவிற்கு வருகை தந்தார். 

ஸ்வீடனுக்குத் திரும்பிய நோபல் வெடிபொருட்கள் பற்றிய ஆய்வில் தன்னை அர்ப்பணித்துக் கொண்டார். மிகவும் உறுதியற்ற வெடிபொருளான நைட்ரோ-கிளிசரின் பாதுகாப்பான உற்பத்தி மற்றும் பயன்பாட்டில் அவர் குறிப்பாக ஆர்வமாக இருந்தார்.  நோபல் நைட்ரோ-கிளிசரின் சிலிக்காவில் ஒரு மந்தப் பொருளாகச் சேர்த்தார், இது பாதுகாப்பானது மற்றும் கையாளுவதை எளிதாக்கியது. இதற்கு அவர் 1867 இல் டைனமைட் என்ற பெயரில் காப்புரிமை பெற்றார். டைனமைட் நோபலின் புகழை நிலைநிறுத்தியது மற்றும்  உலகம் முழுவதும் சுரங்கப்பாதைகளை வெடிப்பதிலும், கால்வாய்களை வெட்டுவதிலும், ரயில்வே மற்றும் சாலைகள் அமைப்பதிலும் பயன்படுத்தப்பட்டது. நோபல் மேலும் பல வெடிபொருட்களைக் கண்டுபிடித்தார்.

1870கள் மற்றும் 1880களில், வெடிபொருட்களை உற்பத்தி செய்வதற்காக ஐரோப்பா முழுவதும் தொழிற்சாலைகளின் வலையமைப்பை நோபல் உருவாக்கினார். 

1894 ஆம் ஆண்டில், அவர் ஸ்வீடனில் உள்ள போஃபர்ஸில் ஒரு இரும்பு ஆலையை  வாங்கினார், அது நன்கு அறியப்பட்ட போஃபர்ஸ் ஆயுத தொழிற்சாலையின் மையமாக மாறியது. அவர் பாரிஸில் வாழ்ந்தாலும், நோபல் பரவலாக பயணம் செய்தார். அவர் தனது ஆய்வகத்தில் தொடர்ந்து பணியாற்றினார், பல செயற்கை பொருட்களை கண்டுபிடித்தார் மற்றும் அவர் இறக்கும் போது 355 காப்புரிமைகளை பதிவு செய்தார்.

நவம்பர் 1895 இல், நோபல் பரிசுகளை நிறுவுவதற்கான தனது உயிலில் நோபல் கையெழுத்திட்டார். இயற்பியல், வேதியியல், உடலியல் அல்லது மருத்துவம், இலக்கியம் மற்றும் அமைதி ஆகியவற்றில் ஆண்டு பரிசுகளை நிறுவுவதற்காக அவர் தனது பெரும் செல்வத்தின் பெரும்பகுதியை ஒதுக்கினார். பொருளாதாரப் பரிசு பின்னர் சேர்க்கப்பட்டது.

1888 ஆம் ஆண்டில், லுட்விக் நோபலின் மரணத்தின்போது பல செய்தித்தாள்கள் ஆல்பிரட் நோபல் இறந்துவிட்டதாகச் செய்தி வெளியிட்டன. அதில் ஒரு பிரெஞ்சு இதழ், மரணத்தின் தூதர் இறந்துவிட்டார் என்று குறிப்பிட்டிருந்தது. இறப்பதற்கு முன்னரே தனது இரங்கல் குறிப்பைக் கண்ட ஆல்பிரட் நோபலின் மனம் வெடித்தது. வரலாற்றில் இப்படியொரு மோசமான மனிதனாக தாம் பதிவு செய்யப்படக்கூடாது என்று விரும்பினார்.

தனது சொத்து முழுவதையும் பொதுச் சேவைக்காகச் செலவு செய்வது என முடிவெடுத்த நோபல், பல உயில்களை எழுதினார். அதில் கடைசி உயில்தான் நோபல் பரிசு பற்றியது. தனது ஒட்டுமொத்தச் சொத்தின் 94 சதவீத்தை மனித குலத்துக்குப் பயனளிக்கும் வகையில் இயற்பியல், வேதியியில், மருத்துவம், அமைதி மற்றும் இலக்கியம் ஆகிய துறையில் பணியாற்றியவர்களுக்கு அளிக்க வேண்டும் என்று குறிப்பிட்டிருந்தார்.

மனித உயிர்களைக் கொல்வதற்காகப் பயன்படும் வெடிபொருள்களைக் கண்டுபிடித்த நோபல், இறப்புக்குப் பிறகு தாம் நினைத்தபடியே சமாதானத் தூதராகவே அறியப்படுகிறார். இவரது பெயர் நோபல் பரிசுக்கு மட்டுமல்லாமல், நோபலியம் என்ற தனிமத்துக்கும் வைக்கப்பட்டிருக்கிறது என்று பேசினார். வானவில் மன்றம் சார்பில் மாணவர்கள் நோபல் பரிசு வரலாற்றை அறிந்து கொண்டனர்.